Сучасная дзейнасць педагога патрабуе пастаяннай гатоўнасці забяспечваць інавацыйныя і творчыя працэсы.
Задача інфармацыйна-метадычнай службы ўстановы дашкольнай адукацыі ў тым, каб « убачыць і дапамагчы развіцца ініцыятывам, знайсці механізм іх рэалізацыі, аказаць дапамогу кожнаму педагогу адрасна, своечасова, канкрэтна».
Асноўныя напрамкі дзейнасці
намеснік загадчыка па асноўнай дзейнасці
Любая кіраўнічая дзейнасць, да якой адносіцца і дзейнасць намесніка загадчыка па асноўнай дзейнасці, будуецца на аснове пэўных заканамернасцей, выпрацаваных навукай кіравання. Кіраваць установай дашкольнай адукацыі – гэта значыць мэтанакіравана ўздзейнічаць на педагагічны калектыў (а праз яго на адукацыйны працэс) для дасягнення максімальных вынікаў у выхаванні, развіцці, навучанні дзяцей дашкольнага ўзросту.
У якасці агульных задач інфармацыйна-метадычнай работы можна ўявіць наступныя: кіраванне адукацыйным працэсам, арганізацыя павышэння кваліфікацыі педагогаў, арганізацыя работы з бацькамі.
Намеснік загадчыка па асноўнай дзейнасці павінен умець працаваць з дзецьмі і вучыць гэтаму педагогаў. Ён павінен умець паказаць той ці іншы прыём, на практыцы растлумачыць методыку, пры неабходнасці актыўна ўключацца ў педагагічны працэс, а для гэтага не менш за 2/3 часу трэба бываць у групах, назіраць, ацэньваць, карэкціраваць работу педагогаў.
Сярод сучасных педагогаў шмат спецыялістаў з вышэйшай і сярэдняй спецыяльнай адукацыяй. Уменне працаваць з людзьмі – асноўны паказчык у дзейнасці намесніка загадчыка па асноўнай дзейнасці. Вельмі важна стварыць калектыў аднадумцаў, якія маюць адзінае педагагічнае крэда, пазіцыі, традыцыі, ці, як зараз модна казаць, стварыць сваю каманду. Толькі ў гэтым выпадку намеснік загадчыка па асноўнай дзейнасці зможа дасягнуць тых мэт, якія ён ставіць.
Кіраўнік дашкольнай установы і намеснік загадчыка па асноўнай дзейнасці павінны працаваць зладжана, прад'яўляць адзіныя патрабаванні да членаў педагагічнага калектыву. Гэта яшчэ адзін немалаважны момант. Уменне наладзіць кантакт з педагогамі і кіраўніком, выпрацаваць свой стыль зносін з калектывам з улікам асаблівасцей псіхалагічнага клімату.
Галоўным метадам у яго арсенале павінны быць перакананне і доказы. Нават калі выхавальнік робіць нешта няправільна, намеснік загадчыка па асноўнай дзейнасці павінен пераканаць і даказаць, чаму гэты метад працы з дзецьмі неэфектыўны, і падказаць, як зрабіць лепш. Пры гэтым важна ўмець прыслухоўвацца да таго, што гаворыць педагог. Уменне слухаць і чуць суразмоўцы заўсёды шануецца падпарадкаванымі. Працаваць з людзьмі – гэтае абавязковае ўменне валодаць сабой у крытычных сітуацыях, прадбачыць і прадухіляць магчымыя канфлікты ў калектыве, разумець і ацэньваць магчымасці кожнага супрацоўніка.
Таксама ў наш час важнай якасцю з'яўляецца ўменне ацэньваць і казаць аб выніках сваёй працы. Намеснік загадчыка па асноўнай дзейнасці павінен навучаць педагогаў самааналізу педагагічнай дзейнасці.
Намеснік загадчыка па асноўнай дзейнасці павінен улічваць інтарэсы і пажаданні калектыву. Педагогам больш падабаецца, калі іх не кансультуюць як вучняў, а калі з імі раяцца. Таму такія інтэрактыўныя формы метадычнай працы, як творчыя групы, брыфінгі, дыскусіі, круглыя сталы і мазгавы напад, даюць найбольшы вынік. Напрыклад, намеснік загадчыка па асноўнай дзейнасці сведчыць аб тым, што ёсць праблема, якую ён адзін вырашыць не можа, і прапануе падумаць усім разам, пашукаць шляхі яе вырашэння. Але пры пастаноўцы любой задачы неабходна даводзіць яе да лагічнага канца. Калі намеснік загадчыка па асноўнай дзейнасці правёў актыўную форму, ён абавязаны падвесці вынік і выдаць прадукт у выглядзе рэкамендацый, алгарытму дзеянняў для выхавацеляў. Пры гэтым важна, што гэты прадукт будзе ўспрымацца як сумесна створаны, калектыўны.
Намеснік загадчыка па асноўнай дзейнасці павінен не толькі актывізаваць педагогаў, але і ведаць, для чаго ён гэта робіць. Напрыклад, атрымаць вынік пры меншых затратах, як мага менш адрываць педагогаў ад працы.
Намеснік загадчыка па асноўнай дзейнасці ўдзельнічае ў:
- стварэнні спрыяльнага маральна-псіхалагічнага клімату ў калектыве;
- планаванні працы УДВ;
- стварэнні іміджу УДВ сярод насельніцтва;
- арганізацыі адукацыйнай працы з дзецьмі;
- арганізацыі эксперыментальнай, інавацыйнай дзейнасці ва УДВ;
- развіцці, эфектыўным выкарыстанні інтэлектуальнага патэнцыялу УДВ;
- развіцці супрацоўніцтва з іншымі УДВ, школамі, дамамі творчасці, музеямі і да т.п.;
Акрамя гэтага, намеснік загадчыка па асноўнай дзейнасці:
- складае сетку заняткаў спецыяльна-арганізаванай дзейнасці па ўзроставых групах;
- аказвае метадычную дапамогу выхавацелям (у першую чаргу пачаткоўцам) у падрыхтоўцы і правядзенні заняткаў;
- садзейнічае абмену досведам працы супрацоўнікаў УДВ;
- знаёміць выхавацеляў з дасягненнямі педагагічнай тэорыі і практыкі;
- ажыццяўляе пераемнасць УДВ і школы;
- удасканальвае працу з бацькамі;
- аналізуе стан адукацыйнага працэсу і прымае на яго аснове канкрэтныя меры павышэння эфектыўнасці метадычнай работы.
Пры арганізацыі адукацыйнага працэсу намеснік загадчыка па асноўнай дзейнасці:
- рыхтуе і рэгулярна праводзіць пасяджэнні педагагічнай рады;
- праводзіць для выхавацеляў адкрытыя заняткі, семінары, індывідуальныя і групавыя кансультацыі, выставы, конкурсы;
- арганізуе працу творчых груп;
- вядзе картатэку вучэбна-педагагічнай і метадычнай літаратуры;
- арганізуе працу выхавацеляў па вырабе дапаможнікаў, дыдактычных матэрыялаў;
- праводзіць сумесныя мерапрыемствы са школай;
- фарміруе і абагульняе лепшы досвед працы педагогаў па розных праблемах і кірунках.
Ажыццяўляе кантроль за працай выхавацеляў:
- сістэматычна правярае планы;
- па графіку наведвае заняткі ў групах;
- сочыць за выкананнем гадавога плана працы, рашэнняў, прынятых на паседжаннях педсавета.
Намеснік загадчыка па асноўнай дзейнасці арганізуе ўзаемадзеянне ў рабоце выхавацеля, педагога-псіхолага, настаўніка-дэфектолага, музычнага кіраўніка, іншых спецыялістаў. Ажыццяўляе ўзаемасувязь у рабоце УДВ, сям'і, школы.
Такім чынам, падводзячы вынік, намеснік загадчыка па асноўнай дзейнасці, які жадае быць лепшым у сваёй прафесіі, павінен:
- пры арганізацыі: ажыццяўляць дзейнасць педагогаў у адпаведнасці з гадавым і месячным планамі, ажыццяўляць абмен досведам і інфармацыяй, ажыццяўляць эфектыўнае ўздзеянне калектыва на асобных выхавацеляў, аказваць метадычную дапамогу ў складанні планаў і падрыхтоўцы да работы з дзецьмі, ажыццяўляць павышэнне кваліфікацыі выхавацеляў, ажыццяўляць уласную дзейнасць у адпаведнасці з планам; размяркоўваць работу паміж педагогамі ў адпаведнасці з сітуацыяй, якая склалася; інструктаваць падчас выкананні працы; навучаць найбольш эфектыўным метадам і прыёмам работы з дзецьмі; падтрымліваць на высокім узроўні працоўную актыўнасць у калектыве; своечасова і правільна афармляць неабходную дакументацыю, метадычныя матэрыялы, выставы для педагогаў і бацькоў; падтрымліваць дакладны парадак у рабоце педагогаў, даводзіць пачатыя справы да канца.
- пры кантролі: распрацоўваць схему назірання за адукацыйным працэсам; распрацоўваць пытанні для ажыццяўлення тэматычнага і франтальнага кантролю ў розных узроставых групах; назіраць за дзейнасцю выхавацеля ў працэсе работы з дзецьмі, за дзейнасцю і ўзаемаадносінамі дзяцей; фіксаваць вынікі назіранняў; аналізаваць вынікі адукацыйнага працэсу, дзіцячай творчасці, планы і дакументацыю выхавацеляў; рабіць высновы і заключэнні аб стане адукацыйнага працэсу ва ўстанове; ажыццяўляць дыягностыку прафесійнай кампетэнтнасці педагогаў; распрацоўваць мерапрыемствы па ўстараненню выяўленых недахопаў у рабоце педагогаў; абмяркоўваць вынікі кантролю з выхавацелямі, выкарыстоўваць гэтыя вынікі пры падрыхтоўцы рашэнняў педсавета, планаванні работы калектыву.
- пры каардынацыі: вывучаць педагагічнае майстэрства выхавацеляў, сацыяльна-псіхалагічныя асаблівасці членаў калектыву, працэс выканання рашэнняў; карэктаваць дзейнасць выхавацеляў на аснове аналізу іх працы, сваю арганізатарскую дзейнасць; аналізаваць мэтанакіраванасць і эфектыўнасць уздзеяння на выхавацеляў; рэгуляваць ход адукацыйнага працэсу ў дашкольнай установе, дзеянні членаў калектыву; арыентавацца ў сітуацыі, якая склалася; прадбачыць цяжкасці, якія могуць узнікнуць пры выкананні працы.
- пры зносінах: валодаць сабой у крытычных сітуацыях; прадбачыць канфлікты і прадухіляць іх; вывучаць узаемаадносіны выхавацеляў пры выкананні працы; правільна ўспрымаць крытыку і ўлічваць яе ў сваёй дзейнасці; разумець і ацэньваць магчымасці выхавацеляў і іншых супрацоўнікаў; арыентавацца ва ўзаемаадносінах людзей; будаваць свае ўзаемаадносіны з калектывам на аснове ўзаемнага даверу і супрацоўніцтва; выбіраць і выкарыстоўваць найбольш дзейсныя меры арганізацыйнага і выхаваўчага ўздзеяння ў адносінах да асобных выхавацеляў; улічваць асаблівасці псіхалагічнага клімату ў калектыве.
разгарнуць » / « згарнуць